Севернокорејскиот лидер Ким Џонг Ун беше присутен на теренската обука на војниците во главната оперативна база, лоцирана на западот на земјата. По тој повод тој нареди зголемена подготвеност за војна, пренесе севернокорејската новинска агенција КЦНА.
Обиколката на базата доаѓа по почетокот на комбинираните воени вежби на американските и јужнокорејските сили во понеделникот, во кои беа вклучени двојно повеќе од минатата година.
Спасете се себеси или некој близок од зависност од алкохол. Пробајте го ова 8 дена и резултатот ќе ве воодушеви…
Ким рече дека „војската мора динамично да постави нов врв на интензивирање на воените подготовки во согласност со барањата на преовладувачката ситуација“.
– Нашата армија треба … постојано да ги интензивира вистинските воени вежби со цел брзо да ги подобри своите борбени способности за совршена подготвеност за војна – агенцијата им ги пренесе зборовите на Ким на војниците.
КЦНА не соопшти дали Ким директно мислел на воените вежби на САД и Јужна Кореја. Тој ги прегледа војниците кои вршат маневри во реалниот живот под услови кои симулираат вистинска војна, објави агенцијата.