Едно лице е убиено, а неколку се повредени во судири во Ла Паз меѓу демонстранти и боливиските безбедносни сили кои се обидуваа да ги растераат приврзаниците на поранешниот претседател Ево Моралес.
Боливискиот орган за човекови права соопшти дека еден демонстрант е убиен од огнено оружје и додаде дека бара истрага за инцидентот.
Хенин Анес, десничарска сенаторка, минатата недела се прогласи за привремена претседателка на Боливија по заминувањето на левичарот Ево Моралес, кој поднесе оставка под притисок на опозицијата која го обвини за изборна кражба.
Поддржувачите на Моралес со денови ја блокираат рафинеријата што го снабдува со гас и бензин целиот регион на Ла Паз.