Македонската ракометна федерација ќе го организира Изборното Собрание за избор на претседател.
Живко Мукаетов ќе продолжи да раководи со Ракометната Федерација на Македонија и во наредните четири години, откако актуелниот претседател ја доби поддршката на сите клубови и ракометни здруженија во пресрет на Изборното собрание што ќе се одржи в недела во хотелот „Александар Палас“ во Скопје.
Изборното Собрание е закажано за 31 јануари, поточно оваа седмица во хотелот Александар Палас со почеток во 12 часот. Сите делегати од машките и женските клубови застанаа зад Мукаетов, па се очекува негов реизбор за прв човек на федерацијата за уште еден мандат.