Македонската фудбалска селекција, летово, за прв пат ќе биде дел од европскиот репрезентативен крем и ќе учествува на Европското првенство, кое ќе се одржи од 11 јуни до 11 јули. По тој повод, Фудбалската федерација на Македонија (ФФМ), во соработка со македонски музичари ќе подготват официјална химна, која ќе ечи низ цела земја и на стадионите каде што ќе игра Македонија.
Навивачката химна се вика „Одиме на Европско“. Химната е во фаза на изработка, а ФФМ долови неколку строфи, колку да се загрее атмосферата и привлече вниманието. Дел од спотот ќе се снима во Охрид, на некои специфични локации и луѓе.