Поранешниот голман на фудбалскиот премиерлигаш Манчестер јунајтед, Едвин ван дер Сар, верува дека има чувари на мрежата во англиската лига кои можат да го заменат Давид де Хеа.
Шпанскиот чувар на мрежата пристигна во Манчестер јунајтед во 2011 година, откако Ван дер Сар ја заврши кариерата.
– Другите голмани можат да ја пополнат празнината. Во Премиер лигата има неколку голмани кои можат да направат чекор напред. Се преселив во Манчестер јунајтед на 34 години, па има многу опции. Во одреден момент, ќе се донесе одлука. Време е да се одлучи веќе, но јас не сум директорот на Манчестер јунајтед, изјави Ван дер Сар.
Во последните години, медиумите редовно шпекулираат со заминување на Де Хеа.