Во текот на вчерашниот ден во Крива Паланка беа оддржани финалните натпревари од првото издание на јуниорската лига во организација на пингпонгарската федерација на Северна Македонија и пингпонгарскиот клуб Крива Паланка.
Спортската сала “Бранители 2001” беше домаќин на најдобрите 13 клуба од целата држава кои минатата година се квалификуваа за финалните натпревари.
Целиот ден изобилуваше со квалитетни натпревари каде на крајот, во финалињата, и машката и женската екипа на Крива Паланка беа подобри од екипите на Крушево, со резултати 3:0 во женска, и многу понеизвесно, со 3:2 во машка конкуренција.
Конечен пласман на најдобрите јуниори/ки:
Машка:
1. Крива Паланка
2. Крушево
3. Винспин
Женска:
1. Крива Паланка
2. Крушево
3. Зегин Берово
Во наредниот период Крива Паланка ќе биде домаќин на најголемиот број на натпреварувања во младинските категории започнувајки со Телеком мастерс турнирите за играчи до 18 и 21 година на 03-ти односно 10 март.