Македонскиот фудбалски репрезентативец Елиф Елмас се сели од Фенербахче во Наполи за сума од 16 милиони евра. Во дресот на Фенербахче одигра 40 натпревари и постигна 4 голови, а има и 11 настапи за националниот тим.
Трансферот го потврди и тренерот на Наполи, Карло Анчелоти.
„Многу сме блиску до доаѓањето на Елмас и се надевам дека тоа брзо ќе се случи. Тој е еден многу интересен играч, ги комплетираме завршните детали, се надеваме дека ќе пристигне што побрзо“, изјави Анчелоти.
Се очекува Елмас денес да пристигне во Италија, а утре да ги мине лекарските прегледи и да стави свој потпис на договорот.