Првата ѕвезда на Голден Стејт, Стеф Кари има право по завршувањето на сезоната да го продолжи договорот со клубот на четири години и да заработи 215 милиони долари. Според инсајдерот на „Атлетик“, Маркус Томпсон, Кари има намера да остане со Вориорс.
-Кари ќе потпише продолжување. Тој планира да остане со Вориорс уште четири или пет години. Тој би сакал да го продолжи договорот за четири години. Значи, ќе биде во тимот уште пет години по оваа сезона, изјави Томпсон.
Триесет и тригодишниот Кари, би можел да биде првиот играч во историјата на НБА кој потпишал два последователни договори од 200+ милиони долари.