Фудбалерот на Манчестер Сити, Серхио Агуеро, нема да може да учествува во реваншот од 1/8-финалето на Лигата на шампионите против Реал Мадрид.
Веста ја потврди денес менаџерот на „граѓаните“, Пеп Гвардиола. Аргентинецот претрпе повреда на менискусот за време на победата од 5:0 над Барнли минатиот месец, по што беше подложен на операција кај доктор Рамон Кугат.
Се претпоставуваше дека може да се опорави до мечот со Реал Мадрид, но Гвардиола ја отфрли оваа можност.
На прашањето дали имало таква шанса, шпанскиот стручњак одговори: „Многу пати ви кажав. Не“.
– Играме со Реал. Ако размислиме за следниот чекор, кралот на овој турнир, Реал Мадрид, ќе нè отстрани. Никој не го познава Реал подобро од мене, нивниот потенцијал и историјата, затоа мора да го одиграме овој натпревар, рече Гвардиола.