Добро познатиот и омилен музички Бенд 18+ и добро познатиот Жаре Бербер го најавија својот најнов сингл чија онлајн промоција се очекува за помалку од 47 часа.
Како што соопштија вчера на нивната фан страна одбројуваат три дена до премиерата на песната со оригинален назив „Циганко мала“ и порачуваат „на првиот рефрен ќе ја слушате, на вториот веќе ќе ја пеете! Ви ветуваме!“, а ние не се ни сомневаме во тоа имајќи в предвид дека станува збор за искусни и веќе докажани таленти на македонската музичка сцена.
Дополнително момците од Бенд 18+, заедно со Жаре Бербер, се познати шоумени кои знаат да ги пренесат своите позитивни вибрации на обожавателите, кои се во се поголем број.
Ова е втора песна на музичкиот состав, откако пред година и половина ја промовираа „Понекад“.
Во меѓувреме, додека ја чекаме промоцијата на целиот хит, уживајте во дел од песната и оригиналниот спот во кој се појавуваат навистина атрактивни девојки, нагодувајќи која е „малата циганка“ за која пеат згодните момци.