За песната „Како некогаш“ со која што Биба Додева победи на поп-вечерта на фестивалот „Охрид фест- Охридски трубадури“, пејачката вели дека е автобиографска и во неа пее за љубовта на својот живот која што ја загубила.
На музиката и на аранжманот на моќната балада на Владимир Дојчиновски- Дојчин совршено легна приказната на текстот која ја напиша поетесата Ана Бунтеска.
-Песната е автобиографска, и на Ана, и моја и на сите оние кои што изгубиле некого, раскажа Биба за Женски магазин зад сцената на „Охрид фест“.
Таа вели дека нејзината најголема радост и смисол на животот се внукот Умберто Александар и ќерката Емануела.