Признанието на принцот Хари дека користел дрога во минатото може да ја загрози неговата американска виза, тврди американскиот адвокат и поранешен федерален обвинител Неама Рахмани, пишува „Дејли мејл“.
Во своите мемоари „Spara“, принцот „призна“ дека користел кокаин, марихуана и халуциногени печурки. Конзервативната тинк-тенк „Херитиџ фондација“ од Вашингтон се обидува да открие дали принцот Хари изјавил дека се дрогирал при поднесувањето на барањето за виза, а се обидуваат да ја најдат и целата кореспонденција меѓу американските функционери и британскиот принц.
Американските закони се многу строги кога станува збор за лажење на службениците за имиграција, а лицето кое е фатено како лаже може да биде депортирано и да му се ускрати можноста да аплицира за американско државјанство.