Светлана Ражнатовиќ Цеца со сите сили настојува приватниот живот да го живее далеку од очите на јавноста, но би рекле дека станува збор за невозможна мисија, бидејќи во нејзиниот случај станува збор за пејачка која е популарна и обожавана во целиот регион, па интересот на нејзините многубројни обожаватели за се’ што и’ се случува во приватниот живот никогаш не згаснува.
Токму затоа нејзината неодамнешна изјава за „Република.рс“ предизвика големо внимание, бидејќи во неа откри детали од својот љубовен живот.
„Се разбира дека и мене ми се има случено љубовта да не ми биде возвратена, сепак, и јас сум живо суштество. Во мојот случај, не стануваше збор за тоа дека не бев сакана, туку дека бев преголем залак. Постојат луѓе што не можат да го поднесат сето внимание од страна на јавноста. Сепак, јавниот живот е мој избор“, откри Цеца.