Пратеникот и портпарол на СДСМ, Дарко Каевски денеска ги обелодени мерките што Владата ги презема за заштита на граѓаните и фирмите, во екот на најголемата економска и енергетска криза.
-Обезбедени се храна, струја и енергенси за претстојната зима. Владата субвенционира 80 отсто од сметката за електрична енергија за над 600.000 домаќинства и над 70.000 мали и средни компании. Со мерката за основните и средните училишта кои се префрлаат на регулираниот пазар, обезбеден е наставниот процес со физичко присуство во зима. Поевтина електрична енергија е обебзедена и за болниците и здравствените установи. Парно во Скопје ќе има за целата грејна сезона благодарение на тоа што го презема Владата откако ВМРО-ДПМНЕ покажа неспособност и се откажа, рече Каевски.
Тој обвини дека „ВМРО-ДПМНЕ и Христијан Мицкоски се посветени на тендери и провизии“.
-Последно, се скараа за тендер од 136 милиони евра во Скопје и самите се фатија со рацете во медот. Скопје и општините кои ги раководи ВМРО-ДПМНЕ стојат една година, не се реализираат проекти. Шпицниот градоначалник Мицкоски со неговите градоначалници од ВМРО-ДПМНЕ вртоглаво ги покачуваат комуналните услуги и директно брцаат со рацете во џебот на граѓаните, изјави Каевски и додаде:
-Тоа е голема, суштинска разлика. СДСМ се грижи за граѓаните во време на криза, шпицниот градоначлник Мицкоски и ВМРО-ДПМНЕ се грижат само за тендери и провизии.