Министерот за здравство Сашо Клековски информираше дека во саботата починал третиот пациент од западнонилска треска од едно од афектираните места. Станува збор за 61-годишен пациент, кој имал и неколку други заболувања.
„Во саботата почина третиот пациент, 61-годишен, од едно од афектираните места. Има шест критични пациенти“, изјави Клековски.
На прашањето дали починатиот пациент имал и други заболувања, односно коморбидитети, министерот потврдил дека имал неколку.
Според најновите податоци, досега се потврдени 35 случаи на западнонилска треска, додека три случаи се суспектни и се во процес на дијагностицирање.
Во моментов се хоспитализирани 16 пациенти кои се згрижени на Клиниката за инфективни болести, а еден пациент се лекува во приватна здравствена установа.
Од Клиниката за инфективни болести досега се пуштени 15 пациенти кои се излекувале.