4 годишно девојче утрово падна од прозорец од седми кат од зграда на улицата Владимир Комаров во населбата Аеродром.
За среќа падот го ублажил разгрането дрво и телефонски кабел. Во моментов се наоѓа во животна опасност. Според очевидците девојчето дома било само бидејќи мајка му го оставила и отишла да плати сметки во банка. Наведнувајќи се на прозорецот паднало од зградата од седмиот кат но се заплеткало во гранки од дрво и паднало врз телефонски кабел кој го амортизирал падот.
Друга среќна околност велат сведоците е тоа што девојчето не паднало на глава туку на страна поради што има скршеници на градниот кош и карлицата. Од МВР известуваат дека случајот бил пријавен во 10,45 часот и дека со тешки телесни повреди е префрлено во Ургентниот центар. Девојчето до пред два три месеци живеело со баба му која го чувала но по нејзината смрт живее само со мајка му. Полицијата го испитува случајот.