„Просечната плата во здравството денес изнесува 29.763 денари. Тоа е за над 4.700 денари повеќе во однос на мај 2017 кога таа изнесувала безмалку 25.000 денари“,соопштуваат утрово од СДСМ.
„За споредба, во време на владеењето на ВМРО-ДПМНЕ, просечната плата во здравството за седум години пораснала само за нешто помалку од 3.200 денари.
Растот на просечната плата во здравството од над 4.700 денари за само две и пол години покажува дека сме на прав пат.
Со таквото зголемување на платите ги мотивираме медицинските работници да останат во јавното здравство, а граѓаните да добијат поквалитетна здравствена грижа.
Во рамките на мерките за подобрување на здравствениот систем е и зголемувањето на бодот за капитација на матичните лекари, стоматолози и гинеколози како и зголемените коефициенти за исплата на дежурства, ноќен труд и дополнителна работа.
Остануваме посветени на реализација на мерките што носат повисоки плати и поквалитетна здравствена заштита.
Платите во здравството ќе продолжат да растат, бидејќи здравјето на граѓаните е наш приоритет“, додаваат оттаму.