-Денес токму од терен, од малата дестилерија на Влатко Стојанов во Неготино го најавуваме почетокот на јавниот повик за поддршка на малите дестилерии. До сега имаме регистрирани 23 мали дестилерии, но ги бележиме и првите здруженија на мали дестилерии, посочи министерот за земјоделство, шумарство и водостопанство Љупчо Николовски.
Со финансиска поддршка од 300.000 денари по корисник помагаме во инвестиции за набавка на опрема за производство на жестоки и алкохолни пијалоци, и ангажирање на стручно лице-технолог. Оваа нова мерка доаѓа токму како предлог од земјоделците, преку нашите теренски кампањи сме поблиску до земјоделецот, и уште еднаш докажуваме дека сме министерство кое го слуша нивниот глас.
Николовски очекува голем интерес кај малите производители за поддршката која е ставена на располагање.
-Заедно да испишеме многу нови успешни приказни. 2023 година со право велиме дека е година на нови можности во македонското земјоделство, додаде тој.
