Во рамки на денешната посета на Црна Гора, министерот за земјоделство, шумарство и водостопанство Љупчо Николовски заедно со неговиот црногорски колега Јоковиќ ја посетија една од најголемите и најзначајни компании за производство на вино и преработка на грозје во Европа 13. jul Plantaže.
Со годишно производство од околу 22 милиони килограми грозје, и производство на преку 16 милиони флаширани производи преставува една од најуспешните компании во Црна Гора.
Преку вкусот на автентичното црногорско вино, во кое се огледува црногорската култура и дух, на плантажи сместени во поднебјето помеѓу морето и планините, убаво е да ги размениме нашите искуства и да ја вкусиме различната култура, потенцира Николовски и се заблагодари за гостопримството, и изрази надеж дека неговата денешна посета ќе вроди со позитивен исход.