Нашите политики во изминатите 4 години променија многу работи, имаме системски пристап и грижа за луѓето кои живеат со ретка болест, посочи вицепремиерот Љупчо Николовски по повод Денот на ретки болести.
Го зголемивме бројот на достапни лекови и терапии. Го зголемивме опфатот на пациенти кои примаат терапија преку Фондот. Значително го зголемивме буџетот за ретки болести, повеќе од двојно. За првпат е воспоставен електронски регистар на ретки болести. Преку Националната стратегија за ретки болести 2020-2030 дополнително ќе овозможиме унапредување на законодавството според европските регулативи за лекови за ретки болести.-Првенствено како човек, и како вицепремиер, ќе продолжам да ја давам поддршката на нашите сограѓани кои се справуваат со ретки болести, како и на здруженијата кои им помагаат, објави Николовски на социјалните мрежи.