Министерот за земјоделство, шумарство и водостопанство, Љупчо Николовски денеска заедно со директорот на АД ЕСМ Васко Ковачевски извршија увид на браната Тиквеш.
Токму водата од оваа акумулација се користи за полнење на каналите преку кои се наводнуваат земјоделските површини во тиквешкиот регион, истакна Николовски.
Николовски упати порака до земјоделците да бидат спокојни и да не потпаѓаат на лажни вести, вода за земјоделските површини има.
„Како никогаш досега министерството вложува во реализација на капитални проекти за изградба на нови системи за наводнување, брани, и мали системи за наводнување, се со цел стабилно водоснабдување на земјишните површини и зголемено домашно производство.
Работиме неуморно, посветено и одговорно, давајќи поддршка за секој еден земјоделец“, посочи Николовски.