Љупчо Николовски, денеска од земјоделското здружение “Современо Земјоделство” се закити со плакета за Најуспешен министер за земјоделство, шумарство и водостопанство.
“Голема чест и задоволство ми беше да ја примам плакетата за најдобар министер за земјоделство, шумарство и водостопанство. Искрена благодарност до здружението „Современо земјоделство“ за ова признание и до сите мои соработници кои се секојдневно со мене на терен. Навистина ми е драго што резултатите од нашата посветена работа се видливи и вистински им помагаат на земјоделците. Ова е поттик да продолжиме понатаму, да работиме уште поинтензивно, да разговараме со секој земјоделец и да креираме мерки според нивните потреби. Само заедно можеме да постигнеме развој во секторот, повисок стандард и подобар живот за земјоделците во Македонија.” – се заблагодари, министерот Николовски.