Министерот за земјоделство, шумарство и водостопанство Љупчо Николовски заедно со директорот на АФПЗРР Никица Бачовски денеска во Брисел ги споделуваат позитивните искуства од ИПАРД програмите пред земјите од регионот.
Министерот Николовски посочи дека на состанокот со еврокомесарот Јануш Војчиеховски ја прензетирал успешната реализација на ИПАРД 2 програмата, но и подготвеноста за почеток со новата програма ИПАРД 3.
-Довербата која ја добивме како земја лидер од Европската комисија со зголемувањето на буџетот за новата ИПАРД 3, ќе ја потврдиме преку ставање на располагање на средствата со објавување на јавни повици, како и акредитација на нови мерки за инвестиции во руралната инфраструктура, советодавните услуги и ЛИДЕР, нагласи Николовски.