Најстудено во Скопје и Крива Паланка

УХМР соопшти дека утрово до 8:30 часот најстудено било во Скопје – Петровец и Крива Паланка, седум степени, додека максимални 14 степени се измерени во Битола и Демир Капија. Најмногу дожд, пак, во изминатите 24 часа наврнал во Охрид, вкупно седум литри на метар квадратен.

Утрово се измерени и осум степени во Берово и Лазарополе, 9 во Куманово, 10 во Тетово и Маврови Анови, 11 во Штип, Струмица, Гевгелија и Претор, 12 во Охрид и Виница, како и 13 во Прилеп и Дојран.

Во Куманово водниот талог е 6 литри на метар квадратен, 4 во Крива Паланка, Претор и Пожаране, 2 во Скопје – Зајчев Рид и Крушево, и еден литар на единица површина во Скопје – Петровец и Виница.

Времето денеска ќе биде променливо облачно и релативно топло со сончеви периоди. Кон крајот на денот и во текот на ноќта ќе има повремени врнежи од дожд. Ќе дува умерен, а на места повремено засилен ветер од јужен правец. Максималната температура ќе биде во интервал од 17 до 21 степен.

Во Скопје променливо облачно со сончеви периоди. Ќе дува слаб до умерен, повремено засилен југоисточен ветер. Во текот на ноќта ќе има повремен слаб дожд. Максималната температура ќе достигне 19 степени.

ПОВРЗАНИ ВЕСТИ

e