Над 30 еко организации заедно со AirCare – Air Quality App помагаме во организацијата на настанот, кој не е само настан за да го искажеме нашето незадоволство кон властите, туку и да поставиме конкретни барања кои очекуваме да се исполнат во дадените рокови, вели во видео обраќање креаторот на апликацијата „Мој воздух“ и еко-активист, Горјан Јовановски.
Како граѓани, имаме право да повикаме на граѓанска непослушност, дури и бојкот на избори, доколку не се покаже дека сериозно се заангажираат државниците околу овој проблем кој е тука со години, посочува Јовановски.