После период од многу години, конечно, на Граничниот премин Деве Баир кон соседна Бугарија, се извршуваат градежни работи кои опфаќаат замена на поголем дел од асфалтната површина, како на самиот премин, така и на патот кој води кон царинскиот терминал.
Изминативе неколку години, оправдани беа реакциите на возачите на товарни возила и учесниците во патничкиот сообраќај, дека се вози по неквалитетен пат, полн со дупки, од кои страдаа возилата.
Конечно, после подолг период, се работи на реконструкција и поставување на нова асфалтна површина која ќе овозможи непречен и безбеден сообраќај.
Исто така, со отстранување на старата вага и пополнување на просторот, ќе се добие уште една сообраќајна лента која ќе го намали времето на чекање при влез во државата.
Според најавите, се очекува наредната недела да завршат градежните активности и се нормализира целосниот сообраќај на овој граничен премин.