Министерката за финансии Нина Ангеловска денеска во Градскиот парк во главниот град возеше велосипед заедно со холандскиот амбасадор во Скопје, Дирк Јан Коп.
Преку пренесување на добрите холандски практики и искуства ќе се реформира системот на јавни финансии во земјава. Меѓу министерствата за финансии на Република Северна Македонија и Холандија ќе се потпише нов Меморандум за соработка со кој ќе се соработува во насока на реформите во јавната внатрешна финансиска контрола, даночната политика, буџетот, јавниот долг. Со ова се продолжуваат размената на искуства за реформите со Холандија.
Во последните 25 години Холандија има инвестирано преку 250 милиони евра како поддршка за македонските институции, приватниот сектор, граѓанското општество, медиумите, културата и образованието.
Холандија е еден од најголемите билатерални донатори од земјите-членки на ЕУ, традиционален партнер и принципиелен поддржувач на македонските заложби за членство во ЕУ и НАТО, како и еден од најголемите инвеститори и важен трговски партнер на земјата. Во последните 25 години Холандија има инвестирано преку 250 милиони евра како поддршка за македонските институции, приватниот сектор, граѓанското општество, медиумите, културата и образованието.