Додека во останатите демократски држави починатите се сметаа за донори, но само на органи, за да се спаси нечиј живот, кај нас се злоупотребуваат за да го продолжат животот на партијата.
Имено, ако досега беше познато дека мртовци гласаа на избори, „Фокус“ открива и дека, освен што го „искористиле“ гласачкото право, мртвите успеале и да донираат за изборните кампањи.
Ова според неофицијални информации на „Фокус“, го покажала истрагата на СЈО за финансирањето на ВМРО-ДПМНЕ, а од контраистрагата, пак, што ја води Јавното обвинителство, за финансирањето на СДСМ, дознаваме дека врвот на партијата бил прислушуван за време на изборната кампања.
На здравје, избори!