Министерството за култура извести за одлуката на Одборот за доделување на државната награда „11 Октомври“ во 2016 година за највисоко признание за животно дело во областа на науката, уметноста, стопанството и другите дејности од јавен интерес на Република Македонија.
За животно дело во областа на културата и уметноста, наградата им се доделува на Благоја Маневски, ликовен уметник, Раим Ганији, писател и новинар, Елена Мисиркова, пијанистка (на фотографијата), и Атила Клинче, актер.
Одлуката стапува во сила од денот на донесувањето и ќе биде објавена во „Службен весник на РМ“.
Наградата на добитниците ќе им биде врачена на 11 октомври 2016 година (вторник), во 12 часот, во Собранието на Република Македонија. Одлуката е потпишана од Претседателот на Одборот за државната награда „11 Октомври“, академик Митко Маџунков.
За поврзани вести продолжете надолу