Дневната агенда на Министерот за земјоделство, шумарство и водостопанство и член на ЦО на СДСМ Љупчо Николовски е целосно исполнета од утро до вечер.
Николовски, денеска работниот ден го започна со средба со студентите од Земјоделскиот, шумарскиот и ветеринарниот факултет.
“Среќен сум што заеднички успеавме, и овозможивме стипендии за студентите од Земјоделскиот, шумарскиот и ветеринарниот факултет. Со месечна стипендија од 18.000 денари за девет месеци во годината ги мотивираме младите да се запишат на една од овие благородни науки. Продолжуваме цврсто да стоиме на ставот дека за вас како студенти мора да има стипендии, за подобро образование и практична настава, а со тоа и развој и напредок на државата.” – потенцира тој.
Потоа, министерот заедно со неговиот тим продолжија со теренската информативна кампања низ полошкиот регион, се со цел запознавање на земјоделците со новите можности за поддршка. Веќе се во тек повиците за малите производители на храна, за малите семејните винарии, за поддршка на локални манифестации и саеми.
“Наша цел е 2.000 нови регистрирани мали производители на храна. Само со добра информираност и силна поддршка ќе стасаме до нашата и ваша посакувана цел.” – нагласи Николовски.
Понатаму, Николовски работниот ден го продолжи во посета на Монтенегро ДОО, фамилијарен бизнис кој е на пазарот повеќе од 50 години, препознатлив по долгогодишната традиција во малопродажба, по својот квалитет и посветеност. Оваа успешна компанија е меѓу поголемите компании корисници на ИПАРД програмата.
Министерот посочи дека ваквите компании се причината за успехот на ИПАРД програмите во нашата земја.
“Не постои град или село каде нема табла дека е реализиран некој проект од ИПАРД програмата. Токму затоа заслужено добивме зголемување од 62% ЕУ средства за новата ИПАРД 3 програма.” – додаде Николовски.
Месна преработувачка индустрија Карнем од село Зубовце, општина Врапчиште е уште позитивен пример на успешена ИПАРД приказна. Преку средства од ИПАРД програмата оваа компанија има набавено опрема за преработка, како и изградба на прочистителна станица за отпадни води. Со новата ИПАРД 3 програма имаме 97 милиони евра неповратни ЕУ средства и нови акредитирани мерки за реализација на нови успешни ИПАРД проекти.
Развојот на земјоделството како стопанска гранка почнува токму од образовните институции.
Николовски, денеска исто така го посети и Регионалниот центар за стручно образование и обука „Моша Пијаде“ – Тетово каде што разговараше со средношколците од земјоделско ветеринарната струка.
“Горд сум што овие млади луѓе токму оваа струка ја имаат одбрано за изучување. Обезбедивме стипендии за студентите од земјоделските, шумарски и ветеринарни науки, она што следно треба да го размислуваме е како да ги мотивираме и средношколците да запишат и средно стручно училиште во облста на земјоделството, шумарството и ветеринарните науки.” – додаде министерот.
По завршувањето на сите работни средби, на крај на денот, Николовски како член на ЦО на СДСМ на средба со членовите на Комисиите за земјоделство на СДСМ од полошкиот регион, ги презентираше новите мерки и програми кои од оваа година се нудат за поддршка на земјоделците.
Тој потенцира дека годинава го имаме најголемиот земјоделски буџет, што гарантира непречена реализација на сите нови мерки и успешен старт на новиот модел за субвенционирање како најголема реформа во земјоделството.