Минор коритото на Крива Река како дел од проектот „Реките не познаваат граници“, финансиран од ИПА програмата на ЕУ за прекугранична соработка помеѓу Македонија и Бугарија е зафршен во навремен рок. Проектот спаѓа во групата на инвестициски проекти и опфаќаат изградба на минор корито на Крива Река, во централното градско подрачје во должина од 500 метри и уредување на вливот на Дурачка Река во Крива Река. Вредноста на проектот изнесува 499.987,75 евра од кои 243.636,64 евра беа наменети за Општина Крива Паланка за исполнување на целите и активностите на проектот.
„Цвет Компани“ од Скопје беше фирмата која во изминатите неколку месеци ги извршуваше градежните работи поврзани со минор коритото на Крива Река-дел 3 на потегот од т.н “Љиљаков мост” кон “Осички Мост” во должина од 300 метри.
Овој проект е целосно завршен и е издадено одобрение за употреба.
Напоредно на ова Општината аплицира и за средства за уредување на минор коритото по течението на Крива Река од Градскиот зелен пазар до населба Бегови Бавчи.
Покрај овој проект општина Крива Паланка може да се пофали и со реализација на проектот.
– Изградба на канализација во дел од с. Конопница во должина од околу 1300 м. покрај патот Штала -А2, со крак кон градските гробишта.
Споменативе проекти се со вкупна вредност од околу 11.000.000 денари, а финансиските средства беа обезбедени од Бирото за регионален развој и Буџетот на општина Крива Паланка. Двата проекти беа завршени во предвидениот рок за изградба.