Две македонски државјанки се уапсени во Црна Гора под сомнение дека украле четири златни ланци од златарница во Игало, соопшти црногорската полиција.
Според информациите, приведени се Ж.Ц.Т. (55) и А.Р. (33), двете од скопскиот регион. Тие се осомничени за сторено кривично дело „кражба“.
Инцидентот се случил на 15 јули околу 13:30 часот, кога осомничените влегле во златарницата претставувајќи се како заинтересирани купувачи. Додека вработената им покажувала различни парчиња накит, тие, според сомневањата на полицијата, го искористиле нејзиното невнимание и незабележано одзеле четири златни ланци, кои ги ставиле во своите торби, по што ја напуштиле продавницата.
По преземени оперативни мерки, полицијата ги лоцирала и ги уапсила осомничените во стан во Херцег Нови. Украдениот накит е пронајден и вратен на сопствениците на златарницата.
Против двете македонски државјанки е поднесена кривична пријава, а тие ќе одговараат пред надлежните органи во Црна Гора.
