Зачинетата храна ја зголемува болката во желудникот, но нема да предизвика чир доколку го немате.
Колку пати досега од вашите мајки или пак баби сте слушнале дека не треба да подготвувате презачинета храна? Или пак да не ставате премногу зачини во вашите јадења? Наводно, зачинетата храна предизвикува чир на желудникот.
Иако сите овие години можеби сме живееле во заблуда, вистината е дека тоа е мит и дека презачинетата храна не ја предизвикува таа промена во нашиот желудник.
Овој мит со децении го поддржуваа и докторите, кои што во недостаток на правни и научни истражувања и докази ги советуваа пациентите да не консумираат премногу зачинета храна доколку сакаат да избегнат чир на желудникот.
Исто така, како една од причините за оваа непријатна појава се наведува и пушењето цигари, но и алкохолот, лошите прехранбени навики и стресот. Сепак, ниту еден од нив не е причината.
Виновникот за појавата на чир е откриен неодамна, а се нарекува Helicobacter pylori.
Станува збор за бактерија со спирален облик која што настанува во желудникот и во дванаесетпалечното црево. Доколку не се лечи, истата може да доведе до појава на хроничен чир.
Зачинетата храна само ја зголемува болката во веќе „болниот“ желудник, но нема да предизвика настанување на чир.