Овие бразилски чоколадни топчиња се прекрасни доколку сакате да вкусите нешто навистина благо, а истото да го направите брзо.
Brigadeiros топчињата се роденденски хит во Бразил. Станува збор за слатки топчиња кои што се подготвуваат со кондензирано млеко и какао во прав. Смесата потоа се обликува во вид на топчиња и се валка во чоколадни трошки.
Кондензираното млеко може да го направите и сами, а доколку сакате десертот да биде поблаг тогаш наместо горко какао во прав, може да искористите и засладен напиток од истото.
Смесата за овој десерт може да се направи и во микробранова печка. Доволно е да ги помешате сите состојки, па да ги загреете, неколку пати со пауза додека смесата не се соедини.
Состојки:
– 1 лажица путер;
– 395 грама слатко кондензирано млеко;
– 30 грама какао во прав;
– 160 грама чоколадни трошки.
Подготовка:
1. Помешајте ги сите состојки, па на тивок оган мешајте додека не се соединат. Ќе знаете дека смесата е готова кога мешајќи во тенџерчето нема да го видите неговото дно.
2. Ставете ја смесата во сад, па во фрижидер за да се излади (околу 1 час). Откако ќе се излади, обликувајте топчиња и секое од нив поединечно извалкајте го во чоколадните трошки.