Крушите се сочно и слатко овошје кое е благодет за организмот.
Плодовите на крушите се полни со минерали: калиум, бакар, фосфор, калциум, магнезиум, железо и многу микроелементи. Богати се со витамини, К, А и Ц, како и повеќето витамини од групата Б и Д.
Содржат антиоксиданс-процијанидин, кој помага при вкочанетост во срцевото ткиво и му олеснува на срцето да пумпа крв во целото тело. Исто така, го намалува LDL лошиот холестерол, додека го зголемува HDL добриот холестерол.
Во кората на крушите се наоѓа кверцетин, антиоксиданс кој го намалува воспалението, како и ризикот од срцеви заболувања, како што се висок крвен притисок и холестерол.
Покрај тоа, студијата во која учествувале 20.000 луѓе во текот на десет години дошла до заклучок дека секојдневното консумирање по 25 грама овошје со бело месо (како круши) значително го намалило ризикот од мозочен удар.
Иако е слатко овошје, крушите се поврзани и со помал ризик од дијабетес.
Содржат диетални влакна кои помагаат во забавување на варењето, па телото има повеќе време да го разложи вишокот на шеќер. На тој начин, ќе го намалиме нивото на шеќерот во крвта.
Едно истражување открило дека конзумирање на пет или повеќе оброци неделно овошја богати со антоцијанин, како што се крушите, е поврзано со 23 проценти помал ризик од дијабетес тип 2.
Покрај тоа, истражувањето кое е спроведено на животни открило дека растителните соединенија, како што е антоцијанин кој се наоѓа во излупени круши, има и анти-дијабетес и антиинфламаторни ефекти.
Помагаат и кај слабеење
Хранливите материи во крушите, освен што го чуваат здравјето, помагаат и кај губењето на несаканите килограми. Причината за тоа е дека крушата има малку калории, многу вода и релативно е богата со диетални влакна.
Се покажало дека нискокалорична диета богата со хранливи состојки помага кај слабеењето, додека зголемената хидратација се покажало дека придонесува за здрава тежина. Покрај тоа, влакната во крушите даваат чувство на ситост, и спречуваат прејадување.
Го подобруваат варењето на храната и дебелото црево, а тоа е многу важно за одржување на линијата.
Една студија испитувала 40 возрасни луѓе кои консумирале две круши на ден, а резултатот покажал дека изгубиле 1,1 сантиметар во половината во текот на 12 недели.
Друго истражување открило дека жените кои додале три круши на ден во својата исхрана изгубиле во просек 1,9 килограми, што е повеќе од оние испитаници кои во својата секојдневна исхрана додавале овес.