Еден маж е убиен во хрватскиот град Винковци при синоќешната престрелка.
Во 22 часот и 39 минути во полиција било пријавено дека маж е убиен од огнено оружје. Полициски службеници на местото на настанот пронашле мртво тело на маж и утврдиле дека сторителот се оддалечил од местото на настанот, пренесува Индекс.
-Со преземените итни полициски дејствија набрзо пронајдовме безживотно тело на маж за кој се сомневаме дека е избеганиот сторител на тој настан – наведуваат од полицијата.
Локалниот портал Cibalia.info, повикувајќи се на неофицијални информации, јавува дека син го убил својот татко на улицата Драгутин Жаниќ во Винковци, а потоа се самоубил.
Ќе следи полициска увид и утврдување на сите околности на настанот.