Еден од најдобрите фудбалери на денешницата Кристијано Роналдо, кој е на залезот од својата трофејна кариера нема намера да ја напушти репрезентацијата на Португалија по Светското првенство во 2022 година.
Според „Correio da Manhã”, напаѓачот планира да продолжи да игра за националниот тим. Тој има намера да настапи на Евро 2024 година.
Се истакнува дека ситуацијата зависи од иднината на Фернандо Сантош, кој е блиску до заминување од селекторската функција на португалската репрезентација.
Сепак, во моментов Роналдо очекува да игра за португалската репрезентација барем до летото 2024 година.
Напаѓачот разбира дека сега не е во најдобра форма. За ова ја обвинува пропуштената претсезона, како и нередовните настапи во Манчестер јунајтед.