Еден од најдобрите голмани во ракометната историја, Арпад Штербик ќе стави крај на кариерата по завршување на оваа сезона, објавија унгарските медиуми. Поранешниот чувар на мрежата на Вардар моментно е меѓу стативите на Веспрем. Кариерата ја почна во Југовиќ од Каќ, а играше уште и за Сиудад Реал, за Атлетико Мадрид и за Барселона.
Екс репрезентативецот на Југославија и на Србија и Црна Гора е роден во Сента, а од ракометните терени ќе се повлече на, безмалку, 41 годишна возраст.
Четири пати ја освојуваше Лигата на шампиони на ЕХФ, во 2017 година и со екипата на Вардар додека во 2005 година беше прогласен и за најдобар ракометар во светот. Со селекцијата на Југославија освои бронзени медали на Светските првенства во 1999 година и во 2001 година, со Шпанија, пак, има по едно континентално и мундијалско злато плус сребро и бронза.