Лионел Меси го презеде приматот на клупски план кога во прашање се постигнатите голови во кариерата. Аргентинскиот фудбалски ас постигна два во триумфот на Барселона над Валјадолид со 5:1 и стигна до бројката од 608 погодоци, два повеќе од Кристијано Роналдо.
Сите реализации на капитенот на Каталонците и на „гаучосите“ се архивирани во дресот на Барселона во 695 одиграни мечеви во 16. сезони во Примера. Португалецот, пак, има повеќе сезони зад себе (18), но и повеќе клубови (Спортинг Лисабон, Манчестер јунајтед, Реал Мадрид и Јувентус) и 606. гола ги постигна во 814 средби.
Бројките упатуваат дека Меси дава по 0,87 гола во просек по натпревар додека неговиот најголем ривал 0,74, како и дека Аргентинецот постигнува гол на секои 92 минути, а Португалец на повеќе од 109 минути.