Селекторот Игор Ангеловски повика 23 фудбалери за претстојните настапи на македонската репрезентација против Словенија и Полска во квалификациите за Европското првенство во 2020 година. Меѓу нив е неизвесен до последен момент ќе само повредениот Енис Барди додека Езџан Алиоски ќе биде опција само за реваншот со Полјаците поради акумулкирани жолти картони.
Собирот на фудбалерите е закажан на 7 октомври (понеделник) во 12 часот во хотелот „Гранд Плаза“ во Скопје. Три дена подоцна, на арената „Тоше Проески“ е дуелот со Словенците, а на 13 октомври ќе следува гостување во Варшава на селекција на Полска.