На Кејт Мидлтон ѝ е дијагностициран рак на 42 години, подложена е на превентивна хемотерапија, а засега се откриени само неколку детали за нејзината здравствена состојба.
На Кејт Мидлтон и е дијагностициран „неодреден облик на рак“. Во емотивната порака објавена во петокот вечерта, принцезата рече дека кога била подложена на голема операција на абдоменот во јануари, „не се сметало дека нејзината состојба е предизвикана од рак“. Операцијата која била извршена во клиника во Лондон била успешна. По 13 ноќи во болница, принцезата ја напуштила клиниката на 29 јануари.
Палатата Кенсингтон соопшти дека нема да споделува дополнителни информации за формата или фазата на ракот кој ѝ бил дијагностициран на принцезата од Велс.
Деталите за терапијата на која Кејт се подложи не се прецизирани. Во пораката објавена вечерва, саканата принцеза рече дека лекарскиот тим ја советувал да посетува „превентивна хемотерапија“.
Постојат многу различни видови на лекови за хемотерапија, но сите тие делуваат на сличен начин. Ја запираат репродукцијата на клетките на ракот, терапијата го спречува нивното растење и ширење во организмот.
Кејт истакна дека е „во рана фаза“ на лекување, но не се знае во која фаза е ракот.