Иако пејачката Тејлор Свифт на својата турнеја бележи само рекордни успеси кои и заработија неверојатна сума на пари, доаѓањето во Бразил може да фрли негативно светло на последните концерти годинава. Бразил моментално се бори со екстремните горештини, а топлотниот бран ги погоди и насобраните фанови кои на концертот пристигнаа со многу малку облека и носејќи чадори за да се скријат од сонцето. За жал, екстремните временски услови однесоа еден живот за време на концертот на популарната пејачка, поради што Свифт се скрши.
Весниците објавија дека индексот на топлина на местото на настанот достигнал 60º C, а пожарникарите наводно изброиле илјадници несвестици за време на настанот.
taylor was struggling to breathe as well!! pic.twitter.com/bV12oFwxjV
— Taylor Throwbacks (@ThrowbackTaylor) November 18, 2023
„Луѓето навистина се мачеа, пред мене видов девојка која се онесвести. Кога се обидовме да повикаме помош, никој не успеа да дојде“, рече еден корисник на TikTok, опишувајќи ја трагедијата на концертот.
Имено, како што пренесува бразилскиот весник Folha de S.Paulo, Ана Клара Беневидес се онесвестила додека стоела во ред за влез на стадионот, по што била реанимирана на стадионот околу 40 минути. Таа добила срцев удар и починала набргу по пристигнувањето во болница.
„Не можам да верувам дека ги пишувам овие зборови, но со скршено срце можам да кажам дека изгубивме обожавател вечерва пред моето шоу“, го започнала Свифт рачно напишаното писмо што го објави на Инстаграм.
Уништена, таа додаде: „Сега сакам да кажам дека длабоко ја чувствувам оваа загуба и дека моето скршено срце е со нејзиното семејство и пријателите. Ова е последното нешто што мислев дека ќе се случи кога решивме да ја донесеме оваа турнеја во Бразил.’
На социјалните мрежи се проширија видеа на кои популарната пејачка се бори со жештините за време на концертот, а обожавателите и се восхитуваат на професионалноста со која го заврши настапот под екстремни услови.
По изведбата на „Bejeweled“, Свифт застана пред толпата и зеде неколку длабоки, напорни вдишувања. Еден обожавател истакна: „Таа има само 33 години и е во неверојатна физичка форма. Тоа што толку многу се бореше е навистина страшно“.
Поради екстремните услови, пејачката во саботата попладне најави дека ќе го одложи концертот поради „безбедност и благосостојба на обожавателите, колегите изведувачи и екипата“.