Раперот Бане Ковачевиќ, познат како Бане 187 денеска е погребан, а кон вечното почивалиште го испратија растажените роднини и пријатели и поранешните колеги од бендот 187.
Неговата мајка била неутешна во текот на целиот погреб и постојано плачела над ковчегот. Бане почина за време на операција на срцето, по неколкугодишни проблеми со кардиоваскуларниот систем.
Неговите блиски сметаат дека е судбинска игра што тој е погребан на само еден ден пред роденденот на трагично починатата пејачка Ксенија Пајчин, која му била најголема љубов.
Тие своевремено биле во врска, потоа останале пријатели, а блиските тврдат дека никоја потоа не ја љубел како што ја сакал Ксенија.
По нејзината смрт, тој ѝ посвети и песна.