Зиков: Државата не би влегла во НАТО ако немаше големи реформи

На брза трака ќе оди ратификацијата на Протоколот во Шпанија, за мене нема дилема, рече аналитичарот Љупчо Зиков во емисијата „Само вистина“ на Канал 5 ТВ.

„Членството во НАТО е прозивод на болни и тешки реформи од промената на името до договорите со соседите. Има национален консензус дека за патот кон членство во НАТО и ЕУ, Македонија беше исправена пред тоа да прави политички непопуларни отстапки, затоа не се влечеа такви отстапки какви што ги направи владата на Зоран Заев последните 2 ипол години. Ако не се викаше Преспански, можеби ќе се имаше друго име, но ќе мораше да се направи. Ние никогаш не разбравме дека интеграција во НАТО не е само зошто сакаме ние да бидеме членки на НАТО, во голема мера е дали и тие сакаат да бидеме членки на алијансата“, рече Зиков и додаде дека никој голем воен сојуз не би ја примил државата, ако не се случиле сериозни реформи.

Според аналитичарот Никола Србов, можно е владата да ги одложи изборите со изговор за ратификација за Протколот за влез во НАТО.

„Зборуваме за самиот влез во НАТО, тука веќе никој нема дилема. Посебно прашање е како се стигнало до таму“, рече Србов.

Зиков смета дека нема потреба да се одложат изборите кои се закажани за 12 април.

„Нема причина да нема избори. Ова е жив политички процес, се може да се служи до 12 април. На Балканот државите се во таква политичка динамика во која не знаете што е следно. Македонија треба да избере дали стабилно ќе го тера процесот до крај за членството во НАТО или ќе се прифати партискиот предлог на ВМРО-ДПМНЕ да идеме побрзо, па еве ќе прашам зошто да се брза сега. Кај нас многу брзо се ратификуваше членството“, вели Зиков.

„Оваа влада владееше 2 ипол години и никој не дискутира како тоа доаѓаат избори по 2 ипол години. Ајде да кажеме дека владата почна со 8 месеци доцнење поради познатите причини. Кога веќе напаѓаме, тогаш сите работи да ги видиме и да ги анализираме. Ако стартуваше како во секоја нормална држава, таа ќе имаше повеќе време за реформи, легитимно е да имате простор да сработите нешто. Вие за две ипол години имате средување на дел од економијата, преспански договр и многу други работи“, рече Зиков и додаде дека наспроти оваа влада, владата на Никола Груевски не изолирала од целиот свет.

ПОВРЗАНИ ВЕСТИ

e