Земјотрес со јачина од 2,3 степени според Рихтеровата скала е почувствуван утринава во Прилеп, соопшти Сеизмолошката опсерваторија во Скопје.
Земјотресот бил регистриран во 4 часот и 39 минути. Епицентарот бил на 65 километри јужно од Скопје, во подрачјето на Прилеп.
Според досегашните податоци земјотресот бил почувствуван од населението во Прилеп и околината со интензитет од III степени според Европската макросеизмичка скала.