„Денес можеме гордо да кажеме: Времињата на несигурност и на нестабилност се зад нас, порача претседателот на СДСМ, Зоран Заев, на денешната голема граѓанска трибина „На прав пат“ во Скопје.
-Нашата земја е на јасен, чист пат, заедно со најсилните сојузи во светот. Тргнуваме по пат кој ни обезбедува подобар и повисок стандард, посигурни граници и припадност кон семејство од нации ориентирани кон иднината. Од оваа најголема и благородна цел нема отстапување. На следните избори Северна Македонија ќе избира меѓу напредок и уназадување. Ние треба да ги охрабриме сите граѓани да изберат напредок. Зашто само тој избор е победнички, рече претседателот на СДСМ, Зоран Заев во обраќањето пред големиот број граѓани, над 10.000 граѓани кои дадоа силна поддршка.