Во недела со почеток од 16.30 часот на ТВ Сител ќе се оддржи третата од четирите најавени ТВ дуели помеѓу претседателските кандидати Стево Пендаровски, Гордана Силјановска Давкова и Блерим Река.
Во пресрет на ТВ дуелот, водителите од емисијата Детектор ги запраша кандидатите што е она што тие очекуваат од овој дуел. Еве што тие одговорија:
Гордана Силјановска Давкова
– Очекувам со ваша помош конечно да ги детектираме нашите програми, односно нашите визии за Македонија низ призма на претседателската функција.
Блерим Река
– Во емисијата Детектор на телевизија Сител очекувам фер и конструктивна дебата со моите противкандидати на која ќе го елаборирам мојот концепт за една република за сите, за република со владеење на законот а не на поединецот.
Стево Пендаровски
– Очекувам претседателската дебата во емисијата Детектор на Сител телевизија да помине во фер и демократска атмосфера како што и приличи на нас тројцата претседателски кандидати.