ВМРО-ДПМНЕ: Ова не е правна држава

Опозициската ВМРО-ДПМНЕ излезе со реакција откако Апелациониот суд одлучи ексшефицата на СЈО, Катица Јанева да оди во домашен притвор.

„Да ја најдеа торбата Луј Витон сигурно и неа ќе и ја вратеа сосе илјадниците евра, но нема потреба бидејќи не ја ни бараа. Да не беше трагична, одлуката за ослободување на Катица Јанева од притвор ќе беше смешна. Нема подобар пример за функционирањето на Кацарска судството и Русковска обвинителството од начинот на кој што ја водат истрагата за случајот Рекет“, велат од ВМРО-ДПМНЕ.

Од таму велат дека ова не е правна држава, но и дека истото ќе се смени на 12-ти април.

„Бидејќи пред фактите и боговите молчат, Зоран Заев мораше да се согласи неговата Русковска да отвори истрага, но до последен момент ја бранеше Катица Јанева. Додека некои беа во притвор Катица Јанева си беше на плажа и ги губеше телефоните. После тоа следуваа изјави дека немало инволвирани функционери, па под притисок на јавноста мораше Фрики да биде процесуирана, откако и таа претходно ги изгуби двата телефони. Повеќе од јасно е дека сме сведоци на сценариото кога се реализираат спогодбите со инволвираните во аферата „Рекет“ само за да не ја откријат нивната врска со главата на октоподот Зоран Заев“, реагираат од ВМРО-ДПМНЕ.

 

ПОВРЗАНИ ВЕСТИ