Академијата за судии и јавни обвинители до крајот на неделава се очекува да распише „интервентен“ оглас на кој ќе дозволи 60 кандидати од судовите и обвинителствата со 8 месечна теоретска обука да станат идни судии и јавни обвинители и на тој начин да ја пополнат дупката која се појави со немање на кадри за судството.
Ова е класичен партиски упад во судството бидејќи овие планирани 60 судии и обвинители ќе бидат исклучиво од редовите на стручните соработници од судовите и обвинителствата кои имаат 6 години стаж како соработници. Сите тие се вработени во периодот на владеење на ВМРО ДПМНЕ и ДУИ, па околу 40 од нив треба да се македонци, а најмалку 15 албанци. – пишува порталот Сведок.
СВЕДОК од судски извори дознава дека по измените на законот кои беа донесени преку ноќ и во кои се предвиде да се едуцираат судии со само 8 месеци теоретска но не и практична обука, ќе се сместат сите кандидати кои поинаку немаат ни теоретска шанса да станат судии поради високите критериуми во Законот за академија на судии и јавни обвинители.
Овие накалемени измени ќе важат само за оваа група на идни судии, една година, а понатаму пак ќе бидат во сила силните критериуми кои бараат познавање на јазици, висок процент на успех и слично.
Целиот текст прочитајте го тука.