(ВИДЕО) Тасевска: Следува пад на цените на основните прехранбени продукти во просек од 10 отсто

Од денеска компаниите производители на основни продукти ќе добиваат поевтина цена на електричната енергија, како дел од антикризните мерки преземени од страна на Владата предводена од СДСМ, истакна Лидија Тасевска, пратеничка на СДСМ.

„Компаниите кои произведуваат основно прехранбени продукти од денеска ќе добиваат електрична енергија по фиксна цена од 80 евра за мегават час, што е двојно поевтина од цената на регулираниот пазар.

Ова ќе значи намалување на производствените трошоци, што ќе доведе до намалување на цените за крајните потрошувачи“, посочи Тасевска.

Тасевска напомена дека досега веќе е намалена цената на лебот, како и на некои млечни производи и масла за јадење, но во следниот период ќе се намалат цените и на останатите основни продукти помеѓу пет и 13 отсто.

„Ова за граѓаните ќе значи поевтини производи и помали трошоци во семејниот буџет.

Инаку, Владата продолжува со субвенционирање на цената на електричната енергија од 80 отсто за 600.000 домаќинства и за 72.000 домашни компании.

Продолжува и поддршката за субвенционирање на сметки за електрична енергија за околу 4.000 семејства со ниски примања.

И во време на светска економска криза, со одговорен и домаќински пристап обезбедуваме доволно средства за помош и поддршка на граѓаните во справувањето со последиците“, рече Тасевска.

ПОВРЗАНИ ВЕСТИ

e